Chronique de la Pucelle - index 30 - Comment le comte de Salceberic retourna en France

n l'an mil quatre cent vinct huit (1), Thomas de Montagu chevalier, conte de Salibery, fut ordonné, commis et député par les trois Estats d'Angleterre à venir en France faire guerre ; laquelle chose venue à la cognoissance du duc d'Orléans prisonnier en Angleterre, il pria audit comte qu'il ne voulust faire aucune guerre en ses terres, ny à ses subjets, veu qu'il estoit prisonnier et qu'il ne se pouvoit deffendre ; et dit-on qu'il luy promit et octroya sa requeste. Il passa la mer à grande puissance et vint en France ; si vint premier devant Nogent le Roy, dont l'obéissance luy fut baillée par ceux de la garnison qui se rendirent à sa mercy, sans livrer aucun assaut, et François vuidèrent en brief par composition, les places de Châteauneuf sur Loire, Rambouillet, de Berthencourt et Rochefort.

                                                 

Source : édition Vallet de Viriville

Notes :
1 Pâques, le 4 avril.