Chronique d'Enguerrand de Monstrelet - index L.I-249 - [Comment le dessusdit seigneur de Bourgongne estoit accompaigné de plusieurs nobles hommes qui demourèrent arec luy, et pareillement estoient les Daulphinois.]

'ensuivent les noms des seigneurs et capitaines qui estoient avecques le duc de Bourgongne au rencontre dessusdit, c'est assavoir ceulx qui demouroient avecques lui. Et premièrement messire Jehan de Luxembourg, le seigneur d'Antoing, messire Jehan de La Trémoille, le seigneur de Jonvelle, le seigneur de Croy, le seigneur de La Viefville, le seigneur de Longueval, le seigneur de Genli, le seigneur de Roubaix et son filz le seigneur d'Inchy, le seigneur de Saveuses, le seigneur de Crevecuer, le seigneur de Noielle, nommé le Blanc Chevalier, le seigneur de Humbercourt et ses deux filz, messire Pierre Quieret, Jehan seigneur de Mailly, Jehan de Fosseux, Le Moyne de Renti, messire David de Brimeu, seigneur de Ligny, messire Audry de Valines, le seigneur de Saint Simon, le seigneur de Frameuse, Regnault de Longueval, Aubelet de Foleville, le bastard de Coucy, messire Loys de Saint-Saulieu, qui ce jour fut fait chevalier et lendemain se noya à Abbeville à abruver ung cheval daulphinois en la rivière de Somme, Jehan de Flavi, Andrieu de Thoulonjon, messire Philebert Audrenet, messire Gauvain de la Viefville, messire Florimont de Brimeu, messire Maulroy de Saint-Liger, messire Andrieu d'Azincourt, le seigneur de Commines et son frère messire Colart, messire Jehan d'Estienhuse, messire Jehan de Hornes, messire Colard de Vitrebroque et son filz, messire Guilain de Haluyn, messire Jehan Vilain, messire Daviot de Poix, le seigneur de Moiencourt et plusieurs autres nobles chevaliers et escuiers, tant de l'ostel du duc comme de ses pays.
  Et d'autre part y estoient du costé du Daulphin le seigneur de Conflans, le baron d'Yvery, le seigneur de Moy, le seigneur de Sihin, Loys d'Offemont, messire Loys de Gamaches et son frère, Pothon de Saincte Treille, messire Rigault de Fontaines, messire Charles de Faulieu, Jehan de Proisy, gouverneur de Guise, le marquis de Sère et son frère, Péron de Lupe, Jehan Raoul, messire Jehan de Rogan, messire Raoul de Gaucourt, messire Loys de Tyembronne, le seigneur de Montmor, Bernard de Saint-Martin, Thibaut de Germencourt, Galehault d'Arsy, messire Sarrasin de Beaufort, Robinet de Versailles et son frère Jehan, Jehan de Joingny, Yvon du Puis, Jehan de Sommain, Jehan de Dourdas et aucuns autres, avec lesquelz estoient cinq ou six cens hommes d'armes ou environ, et de trois à quatre cens archers, gens d'eslite et bien en point, qui s'estoient tous assemblez de plusieurs garnisons comme j'ay dit cy-dessus.

                                                 

Source : La chronique d'Enguerrand de Monstrelet - Tome IV (L.Douët d'Arcq - 1860)

Notes :
/