L'abréviateur du procès - index p. 51 du ms.

PPREZ ladicte cedulle et lectres de l'Université baillees et presentees, comme dit est, ledit evesque parla ausdits duc et de Luxembourg. Et apprez plusieurs parolles, il fut appoincté que, en luy baillant certaine somme d'argent, ladicte Pucelle luy seroit delivree. Ce qui fut faict troys ou quattre jours apprez. Laquelle Pucelle, receue par ledit evesque, la mist entre les mains des Angloys, qui la menerent à Rouen, et la misrent dedens le chasteau dudit lieu, en une forte prison bien enferree, bien enfermee et bien gardee.

                                                 

Source : Édition de "La minute française des interrogatoires de Jeanne la Pucelle".1952 - Paul Doncoeur.