L'abréviateur du procès - index p. 15 à 16 du ms.

E LENDEMAIN que ladicte Jhenne et lesdits seigneurs et cappitaines eurent regardé que les vivres, qu'ilz avoyent amenez, ne leur povoyent durer que bien pou de temps, ilz adviserent de renvoyer a Bloitz de vers mondit seigneur le chancelier, pour faire provision d'aultres vivres, pour advitailler de nouveau ladicte ville. Et a ceste fin renvoyerent le bastard d'Orleans et les seigneurs de Roys et de Lorré, avecques leurs gens d'armes, pour remonstrer la neccessité de ceulx de ladicte ville, et dire que, si elle n'estoit secourue en bref, qu'ilz estoit force [16] de la rendre aux ennemys. Et demoura ladicte Jhenne la Pucelle dedens avecq aultres cappitaines et gens d'armes, pour donner couraige a ceulx d'icelle ville, et pour leur ayder a la deffendre, si les ennemys se vouloyent efforcer de la prendre d'assault.

                                                 

Source : Édition de "La minute française des interrogatoires de Jeanne la Pucelle".1952 - Paul Doncoeur.