L'abréviateur du procès - index p. 14 à 15 du ms.

ES PRÉPARATIFS fais pour aller advitaller ladicte ville d'Orleans, Jhenne la Pucelle, accompaignee du bastard d'Orleans, des seigneures de Rays et de Loré, La Hyre, messire de Baudricourt (1), qui estoit [15] nouvellement venu de Vaucoulleurs, et aultres cappitaines, avecq quelque nombre de gens d'armes, se partit de Bloitz, pour mener les vivres qui estoyent prestz. Et print son chemyn du costé de la Soulloingne ; et a toute diligence feist marcher toute sa compagnie. Quand les Angloys, qui estoyent en ung fort boulevert, qu'ilz avoyent faict a Sainct Jehan le Blanc, furent advertis de la venue des Françoys, ilz habandonnerent ledit boulevert, et se retirerent dedens les Augustins, qu'ilz avoyent tres bien fortifiez. Ladicte Pucelle, voyant que les ennemys s'estoyent retirez, feist passer tous ses vivres par devant eulx, et a toute diligence les fist charger en basteaux et passer la riviere. Et ce faict, passa elle et toute sa compagnie, et, avecques leurs vivres, entrerent en la ville, ou ilz furent bienvenus.

                                                 

Source : Édition de "La minute française des interrogatoires de Jeanne la Pucelle".1952 - Paul Doncoeur.

Notes :
1 Cette mention de Baudricourt est étrange. On la retrouve aussi dans "Le miroir des femmes vertueuses" ( Quicherat IV p.268).