La chronique du héraut d'armes Berri - index I

elluy an, en ce mesmes temps de karesme, arriva une jeune fille de l'aage de XVIII ou XX ans par devers le roy, au chastel de Chinon, nommée Jehanne la Pucelle ; laquelle estoit née et nourie d'emprès Vaucoulour, d'un villaige de dessus la rivière de Meuse, et avoit esté toute sa jeunesse jusques à celle heure à
garder les berbis. Et vint devant le roy en le saluant et luy dist ces parolles : Que Nostre Seigneur l'envoyoit devers luy pour le mener couronner à Rains et pour lever le siège que les Anglois tenoient devant la bonne cité d'Orléans; et que Dieu à la prière des Sains ne vouloit point que ladicte cité fut prinse ne périe.
  Et à ces parolles le roy la fist examiner par pluseurs saiges docteurs de son royaume, ausquelz elle respondit saigement et par bonne manière, et tellement que tous les docteurs estoient d'oppinion que son fait, son dit et ses parolles estoient faictes et dictes par miracle de Dieu. Et pour ce, fut dit et ordonné en grant délibéracion du conseil que, pour faire et acomplir les choses quelle avoit dictes, en entencion de commencer et achever au plaisir de Dieu, on luy bailleroit chevaulx, harnois et gens pour la compaignier à veoir son fait et que ce seroit. Et fut tout fait, conseillé et ordonné audit chastel de Chinon durant ledit temps de karesme que ung chascun estoit en dévocion. Et la conduisoient le mareschal de Rieux (1) et le sire de Cullant, l'un mareschal et l'autre admiral.

                                                         

  En cet an 1429, et en ce même temps de carême, arriva par devers le roi, au châtel de Chinon, une jeune fille de l'âge de dix-huit à vingt ans, nommée Jeanne la Pucelle. Elle était née et nourrie d'emprès Vaucouleurs, à un village de dessus la rivière de Meuse, et avait été toute sa jeunesse jusqu'à cette heure à garder les brebis. Elle vint devant le roi et en le saluant lui dit ces paroles : « Que Notre-Seigneur l'envoyait vers lui pour le mener couronner à Reims et pour lever le siège que les Anglais tenaient devant la bonne cité d'Orléans, et que Dieu, à la prière des saints, ne voulait pas que ladite cité fût prise ni périe ».
  Sur ces paroles, le roi la fit examiner par plusieurs sages docteurs de son royaume, auxquels elle répondit sagement et par bonne manière, tellement que tous les docteurs étaient d'opinion que son fait, son dit et ses paroles, étaient faits et dits par miracle de Dieu. Et pour ce, il fut proposé et ordonné en grande délibération du conseil que, pour faire et accomplir les choses qu'elle avait dites, en intention qu'elle pût les commencer et achever au plaisir de Dieu, on lui baillerait chevaux, harnais et gens pour l'accompagner et voir son fait et ce que ce serait. Et tout fut fait, conseillé et ordonné audit châtel de Chinon durant ledit temps de carême, alors que un chacun était en dévotion. Et la conduisaient le maréchal de Rais et le sire de Culan, l'un maréchal et l'autre amiral.

                                                 

Source : "Chronique de Charles VII par Jean Chartier" - Vallet de Viriville - 1868.

Notes : (Quicherat)
1 Maréchal de Rais.