Chronique de la Pucelle - index 31 - Prinse du Puisat - reddicion de Thory. Prinse d'Yenville

n juillet iceluy an, le comte de Salisbery vint au Puiset et prinst la forteresse d'assaut et fist par sa cruauté pendre tous ceus qui furent prins dedans.
  Girault de la Pallière tenoit Thury en Beausse, mais il s'enfuit hastivement pour la venue du comte de Salisbery, après le partement duquel ses compagnons qui estoient dedans, rendirent par composition la place au comte, qui fit bouter le feu dedans.
  Puis mit le siège de toutes parts devant Yanville laquelle il fist fort battre de bombardes et canons, qui y fisrent peu d'effet ; et nonobstant que dedans ils fussent peu de gens pour la deffense, si est-ce qu'ils se deffendoient vaillamment. Le jour de la décolation de Sainct-Jehan, vingt neufiesme jour d'aoust, en iceluy an, le comte de Salisbery fit assaillir vers le soir la ville d'Yenville et en icelluy assaut, qui fut fier et merveilleux, ceux de la ville furent tant blessez qu'ils furent conquis par force, dont aucuns se retirèrent en la tour, mais en la fin il les convint se rendre avcc le chastel. Là furent pris le Galois de Viliers, Prégent de Coitivy, qui fut depuis admiral de France, et autres nobles, avec les bourgeois de la ville.

                                                 

Source : édition Vallet de Viriville