Journal de Clément de Fauquembergue - index Jeudi 25 mai 1430

eudi, XXVe jour de ce mois, messire Loys de Lucembourg, evesque de Theroenne, chancelier de France, receu lettres de messire Jehan de Lucembourg, chevalier, son frere, faisans, entre autres choses, mencion que, mardi derrain passé, à une saillie que firent les capitaines et gens d'armes de messire Charles de Valois, estans lors en la ville de Compiegne, contre les gens du duc de Bourgongne, qui s'estoient logiez et approchiez d'icelle ville en intencion de l'assegier, les gens dudit de Valois furent tellement contrains de retourner que pluiseurs d'iceulz ne eurent mie loisir de rentrer dedens la ville. Et se bouterent les aucuns d'iceulz dedens la riviere joingnant des murs, en peril de leur vie; les autres demourerent prisonniers dudit messire Jehan de Lucembourg et des gens dudit duc de Bourgongne, qui, entre les autres, y prindrent et tiennent prisonniere la femme que les gens dudit messire Charles appelloient la Pucelle, qui avoit chevaucié en armes avec eulz, et avoit esté present à l'assault et desconfiture des Anglois qui tenoient les bastides devant Orleans et qui tenoient la ville de Jargueau et autres villes et forteresses, ut supra in registro Xe diei mensis maii MCCCCXXIX. (1)

                                                         

  Jeudi XXVe jour de ce mois (mai 1430), Messire Louis de Luxembourg, évêque de Thérouanne, chancelier de France, reçut des lettres de messire Jean de Luxembourg, son frère, chevalier, qui entre autres choses faisaient mention que mardi passé, dans une sortie faite par les capitaines et gens d'armes de Messire Charles de Valois, alors dans la ville de Compiègne, contre les gens du duc de Bourgogne qui étaient venus camper aux approches de cette ville dans l'intention de l'assiéger, les gens de Messire Charles de Valois furent tellement contraints de reculer que plusieurs d'entre eux n'eurent nullement le loisir de rentrer dans la ville. Les uns, au péril de leur vie, se jetèrent dans la rivière qui coule le long des murs; les autres demeurèrent prisonniers dudit Messire Jean de Luxembourg et des gens du duc de Bourgogne. Entre les autres y fut prise et retenue prisonnière la femme que les gens dudit Messire Charles appelaient la Pucelle, qui courait fortune en armes avec eux, et avait été présente à l'assaut et déconfiture des Anglais qui tenaient les bastides devant Orléans, et qui tenaient la ville de Jargeau et autres villes et forteresses, ut supra in registro Xe diei mensis maii MCCCCXXIX.

                            

                                                 

Source : édition A.Tuetey - 1909
Mise en Français plus moderne : J-B-J. Ayroles (La vraie Jeanne d'Arc - T.III, p.474 et suiv.)

Notes :
1 Traduction : ainsi que cela a été écrit au registre, sous la date du 10 mai 1429.