Chronique d'Enguerrand de Monstrelet - index L.II-21- [Comment ceulx de la ville de Tournay se resmeurent l'un contre l'autre.]

l'entrée du mois de septembre, se rebellèrent et armèrent l'un contre l'autre les bourgois et commune de la ville de Tournay, est assavoir ceulx du marché et de la vieille fermeté (1) , contre ceulx d'entre deux murs. Et fut celle esmeute faite pour une chaine destendue par nuit envers la boucherie, par ung fèvre qui demouroit entre deux murs. Et pour celle cause fut banni de la cité de Tournay. Après lequel bannissement, ceux d'entre deulx murs se croisèrent de droites croix, en très grant nombre, et les autres du marché levèrent pons et firent barrière contre eulx, et grans bolevers, et après commencèrent à jetter canons et traire l'ung contre l'autre. Mais par la fin prindrent trièves ensamble, par amour de leur procession, qui devoit estre brief ensuivant. Et en conclusion se rapesèrent pour ceste fois sans porter grand dommage les ungs aux autres.

                                                 

Source : La chronique d'Enguerrand de Monstrelet - Tome IV (L.Douët d'Arcq - 1860)

Notes :
1 Forteresse, citadelle.