![](../images/lettrines/lis_gauche.jpg) |
Chronique
d'Enguerrand de Monstrelet
- index
L.II-78 - Comment Estievene de Vignoles, dit La Hire, eschiella et prinst la ville de Louviers en Normendie. |
![](../images/lettrines/lis_droit.jpg) |
n ces propres jours, Estievene de Vignolles, qu'on appelloit La Hire, prinst d'emblée par eschielle la ville de Louviers en Normendie. Et avoit avec lui de cinq à six cens combatans, lesquelz trouvèrent en ycelle ville très grand habondance de tous biens, dont ilz furent moult enrichis. Et y furent mors à l'entrée ens, tant d'Anglois comme de ceulx de ladicte ville, trente. Après laquelle prinse pluiseurs des habitans, pour la plus grande partie, firent sairement audit La Hire, auxquelz habitans fut rendu aulcune partie de leurs biens avec leurs maisons, et les aultres se départirent, eulx mettans à sauveté où ilz povoient le mieulx, délaissans tous leurs biens.
![](../images/dossiers/lahire_armes.jpg)
Si commencèrent dedens briefz jours La Hire et ses compaignons à dommager le pays à l'environ en plusieurs lieux, et couroient souvent jusques bien près de Rouen. Et en estoit le povre peuple malement grevé et oppressé. Dont grandement desplaisoit aux Anglois. Mais pour le présent ne le povoient amender, considérés leurs aultres grans affaires.
Source : La chronique
d'Enguerrand de Monstrelet - Tome IV (L.Douët d'Arcq - 1860)
Notes :
1 Jean Ier.
|