Chronique d'Enguerrand de Monstrelet - index L.II-83 - Comment le duc de Bourgongne ala metre le siége devant le chastel de Choisy, lequel il conquist.

tem, après que le duc de Bourgongne eust sous-journé en la cité de Noyon huit jours ou environ, il s'en ala mettre le siège devant le chastel de Choisi sur Ayne (1). Dedens laquelle forteresce estoit Loys de Flavi, qui la tenoit de par messire Guillaume de Flavi. Et y fist ledit duc drécier plusieurs de ses engiens pour ycelui chastel confondre et abatre. Si fut moult traveillé par lesdiz engiens, tant que en conclusion lesdiz asségiés firent traictié avec les commis du dessusdit duc de Bourgongne, tel qu'ilz se départirent sauf leurs corps et leurs biens, en rendant ladicte forteresce. Laquelle, sans délay, après qu'ilz s'en furent partis, fut tantost démolie et arasée.
  Si fist ycelui duc faire ung pont par desus l'eaue d'Oise pour lui et ses gens passer vers Compiengne au lez devers Mondidier. Durant lequel temps, avoient esté commis le seigneur de Saveuse et Jehan de Brimeu à garder les faulzbourgs de Noyon, à tout leurs gens, avec le seigneur de Mongommery et aultres capitaines anglois, qui estoient logiés au Pont-Lévesque (2), adfin que ceulx de Compiengne n'empeschassent les vivres qui aloient à l'ost dudit duc. Si advint ung certain jour que les dessusdiz de Compiengne, est assavoir Jehenne la Pucelle, messire Jaques de Chabannes, messire Théol de Waleperghe, messire Rigault de Fontaines, Pothon de Sainte-Treille et aulcuns aultres capitaines françois, acompaignés de deux mille combatans ou environ, vinrent audit lieu du Pont-Lévesque, entre le point du jour et le soleil levé, où estoient logiés les dessusdiz Anglois, lesquelz ilz envayrent de grand couraige. Et y eut très dure et aspre escarmuche, à laquelle vindrent hastivement au souscours d'yceulx Anglois les seigneurs de Saveuse et Jehan de Brimeu, à tout leurs gens. Duquel souscours les dessusdiz Anglois prinrent en eulx grand courage tous ensamble. Si reboutèrent par force leurs ennemis, qui desjà estoient entrés bien avant oudit logis. Finablement, d'yceulx Anglois furent, que mors que navrés, environ trente, et pareillement des François. Lesquels après ceste besongne se retrayrent à Compiengne, dont ilz estoient venus. Et les Anglois dessusdiz, depuis ce jour en avant, fortifièrent en grand diligence leurs logis à l'environ. Et briefz jours ensuivans, Jehan de Brimeu, alant, à tout cent combatans ou environ, devers le duc de Bourgongne, en passant parmy le bois au lez vers Crespy en Valois, fut soubdainement envay d'aucuns François, qui à ceste cause estoient venus de devers Acheri (3) en celle marche, pour trouver adventure. Et en brief, sans grand deffence, fut prins et emmené prisonnier. Si fut la cause de sadite prinse, pour ce que lui et ses gens chevaulchoient en trayn et ne se peurent assambler, tant qu'ilz oyrent l'effroy. De laquelle prinse ledit Jehan de Brimeu fut depuis mis ès mains de Pothon de Sainte-Treille, lequel enfin le délivra en payant grand finance.

  Item, après que le duc de Bourgongne fist du tout démolir la forteresce de Choisy, comme dit est, il s'en ala logier en la forteresce de Coudin (4) à une lieue de Compiengne. Et messire Jehan de Luxembourg se loga à Claroy (5). Si fut ordonné messire Baude de Noyelle, à tout certain nombre de gens, à logier à Margni sur la Cauchie (6), et le seigneur de Mongommery et ses gens estoient logiés à Venette, au long de la prée. Si venoient lors audit duc de pluiseurs parties de ses pays. Et avoit intencion de asségier ladicte ville de Compiengne et ycelle réduire en l'obéissance du roy Henry d'Angleterre.

                                                     

  Après que le duc de Bourgogne eût séjourné en la cité de Noyon environ huit jours, il alla mettre le siège devant le château de Choisy-sur-Aisne, forteresse défendue par Louis de Flavy, qui la tenait de Messire Guillaume de Flavy (son frère). Le duc fit dresser plusieurs machines de guerre pour ruiner et abattre ce château, qui en fut si endommagé, que les assiégés firent avec les délégués du duc de Bourgogne un traité, d'après lequel ils se retirèrent la vie sauve en emportant leurs biens, et rendirent la forteresse. Après leur départ, elle fut sans délai démolie et rasée.
  Le duc fit jeter un pont par-dessus la rivière de l'Oise pour passer, lui et ses gens, vers Compiègne, du côté de Montdidier. Durant ce temps le seigneur de Saveuse et Jean de Brimeu avaient été commis avec tous leurs gens pour garder les faubourgs de Noyon ; ils étaient appuyés par le seigneur de Montgommerry et d'autres capitaines anglais campés au Pont-l'Évêque, pour que les habitants de Compiègne n'empêchassent pas les vivres que l'on amenait à l'armée du duc. Or il advint que certain jour ceux de Compiègne, à savoir Jeanne la Pucelle, Messire Jacques de Chabannes, Messire Théaulde de Valpergue, Messire Rigault de Fontaines, Poton de Xaintrailles et d'autres capitaines français, à la tête d'environ deux mille combattants, vinrent entre le point du jour et le lever du soleil, au Pont-l'Évêque, où les Anglais étaient logés. Ils les attaquèrent avec grand courage, et il y eut une très rude et âpre escarmouche, durant laquelle accoururent au secours des Anglais les seigneurs de Saveuse et Jean de Brimeu avec leurs gens. Ce secours donna aux Anglais grand courage. Tous ensemble ils repoussèrent leurs ennemis qui déjà étaient entrés bien avant dans les postes anglais. De ces derniers, trente environ furent morts ou blessés; autant du côté des Français qui, après ce coup, se retirèrent à Compiègne d'où ils étaient venus. A partir de ce jour, les Anglais fortifièrent avec grande diligence les alentours de leurs logis.

  Le duc de Bourgogne, quand il eut terminé l'entière démolition de la forteresse de Choisy, dont il a été parlé, alla se loger dans la forteresse de Coudun, à une lieue de Compiègne ; Messire Jean de Luxembourg se logea à Clairoy, Messire Baudot de Noyelle avec un certain nombre de gens reçut ordre de s'établir à Margny, sur la chaussée ; le seigneur de Montgommery, Anglais, et ses gens campèrent à Venette, le long de la prairie. Des gens venaient au duc de plusieurs parties de ses pays ; il avait l'intention d'assiéger la ville de Compiègne et de la réduire à l'obéissance du roi Henri d'Angleterre.

                                                 

Source : La chronique d'Enguerrand de Monstrelet - Tome IV (L.Douët d'Arcq - 1860)

Notes :
1 Choisy-au-Bac (Oise) à une lieue de Compiègne.

2 Pont l'Evêque (Oise).

3 Achery (Aisne), à une lieue de La Fère.

4 Coudun (Oise), à cinq kilomètres de Compiègne.

5 A une demi-lieue de Compiègne.

6 Margny, à une demi-lieue de Compiègne.